Молитва за страну от врагов

МОЛИТВА ОБЪ ИЗГНАНІИ ВРАГОВЪ ИЗЪ ОТЕЧЕСТВА [1].
(«Сочиненія Августина, Архіеп. Московскаго». СПб.: Въ Типографіи Эдуарда Веймара, 1856).

Г осподи Боже силъ, Боже спасенія нашего! призри нынѣ въ милости и щедротахъ на смиренныя люди Твоя и человѣколюбно услыши, и пощади и помилуй насъ. Се врагъ, смущаяй землю Твою и хотяй положити вселенную всю пусту, воста на ны; се людіе безаконніи собрашася, еже погубити достояніе Твое, разорити честный Іерусалимъ Твой, возлюбленную Тебѣ Россію: осквернити храмы Твои, раскопати олтари и поругатися святынѣ нашей. Доколѣ, Господи, доколѣ грѣшницы восхвалятся? доколѣ употребляти имать законопреступный власть?

В ладыко Господи! услыши насъ молящихся Тебѣ: укрѣпи силою Твоею Благочестивѣйшаго, Самодержавнѣйшаго, Великаго Государя нашего Императора [имярекъ] [2], помяни правду Его и кротость, воздаждь Ему по благости Его, еюже хранитъ ны — Твой возлюбленный Израиль. Благослови Его совѣты, начинанія и дѣла! утверди всемощною Твоею десницею Царство Его, и подаждь Ему побѣду на враги, якоже Моѵсею на Амалика, Гедеону на Мадіама и Давиду на Голіафа. Сохрани воинство Его: положи лукъ мѣдянъ мышцы во имя Твое ополчившихся, и препояши ихъ силою на брань. Пріими оружіе и щитъ, и возстани въ помощь нашу, да постыдятся и посрамятся мыслящіи намъ злая, да будутъ предъ лицемъ вѣрнаго Ти воинства, яко прахъ предъ лицемъ вѣтра, и Ангелъ Твой сильный да будетъ оскорбляяй ихъ; да пріидетъ на нихъ сѣть, юже не увѣдѣша, и ловитва, юже сокрыша, да обыметъ ихъ: да будутъ подъ ногами рабовъ Твоихъ, и въ попраніе воемъ нашимъ да будутъ. Господи, не изнеможетъ у Тебе спасеніе во многихъ и въ малыхъ: Ты еси Богъ, да не превозможетъ противу Тебе человѣкъ.

Б оже отецъ нашихъ! помяни щедроты Твоя и милости, яже отъ вѣка суть: не отвержи насъ отъ лица Твоего, ниже возгнушався недостоинствомъ нашимъ: но помилуй насъ по велицѣй милости Твоей и по множеству щедротъ Твоихъ презри грѣхи и беззаконія наши. Сердце чисто созижди въ насъ и духъ правъ обнови во утробахъ нашихъ; всѣхъ насъ укрѣпи вѣрою въ Тя, утверди надеждою, одушеви истинною другъ ко другу любовію, вооружи единодушіемъ на праведное защищеніе одержанія, еже далъ еси намъ и отцемъ нашимъ, да не вознесется жезлъ нечестивыхъ на жребіи освященныхъ.

Г осподи Боже нашъ, въ Него же вѣруемъ и на Него же уповаемъ! не посрами насъ отъ чаянія милости Твоея, и сотвори знаменіе во благо, яко да видятъ ненавидящіи насъ и православную вѣру нашу, и посрамятся и погибнутъ, и да узрятъ вся страны, яко имя Тебѣ Господь и мы людіе Твои. Яви намъ, Господи, нынѣ милость Твою и спасеніе Твое даждь намъ; возвесели сердце рабовъ Твоихъ о милости Твоей; порази враги наша и сокруши ихъ подъ ноги вѣрныхъ Твоихъ вскорѣ. Ты бо еси заступленіе, помощь и побѣда уповающимъ на Тя: и Тебѣ славу возсылаемъ Отцу, и Сыну, и Святому Духу и нынѣ и присно, и во вѣки вѣковъ Аминь.

Источникъ: Сочиненія Августина, Архіепископа Московскаго и Коломенскаго. — Изданіе Кораблева и Сирякова. (Съ портретомъ Преосвященнаго.) — СПб.: Въ Типографіи Эдуарда Веймара, 1856. — С. 47-49.

Источник

Молитвы за отечество

Молитва покаянная, читаемая в день убиения царской семьи 4 / 17 июля
Молитва покаянная, читаемая в церквах России во дни смуты
Молитва за русский народ
Молитва о спасении России
Молитва о спасении державы Российской и утолении в ней раздоров и нестроений

Молитва покаянная, читаемая в день убиения царской семьи 4 / 17 июля

Благословен еси Господи Боже Отец наших, и хвально и прославлено имя Твое во веки, яко праведен еси о всех, яже сотворил еси нам, и вся дела Твоя истинна и правы путие Твои, и вей Суды Твои истинни, и судьбы истинни сотворил еси по всем, яже навел еси на ны, яко согрешихом и беззаконновахом отступивше от Тебе, и прегрешихом во всех, и заповедей Твоих не послушахом, ниже соблюдохом, ниже сотворихом, якоже заповедал еси нам, да благо нам будет, и предал еси нас в руки врагов беззаконных, мерзких — отступников, человеком неправедным и лукавнейшим паче всея земли.
И ныне несть нам отверсти уст, спуд и поношение быхом рабом Твоим и чтущим Тя. Не предаждь же нас до конца имени Твоего ради и не разори завета Твоего, и не остави милости Твоея от нас, яко, Владыко, умалихомся паче всех язык и есмы смирени по всей земли днесь, грех ради наших и несть во время сие начальг ника, пророка и вождя. И ныне возследуем всем сердцем и боимся Тебе и ищем лица Твоего, не посрами нас, но сотвори с нами по кротости Твоей, и по множеству милости Твоея, и молитв ради Пречистыя Матери Твоея и всех святых Твоих, изми нас по чудесем Твоим, и даждь славу имени Твоему, Господи, и да посрамятся вей являющий рабом Твоим злая, и да постыдятся от всякия силы и крепость их да сокрушится, и да разумеют вси, яко Ты еси Бог наш, един и славен по всей вселенной. Аминь.

Молитва покаянная, читаемая в церквах России во дни смуты

Господи, Боже, Вседержителю, призри на нас, грешных и недостойных чад Твоих, согрешивших пред Тобою, прогневавших благость Твою, навлекших гнев Твой праведный на ны, падших во глубину греховную. Ты зриши, Господи, немощь нашу и скорбь душевную, веси растление умов и сердец наших, оскудение веры, отступление от заповедей Твоих, умножение нестроений семейных, разъединения и раздоры церковный, Ты зриши печали и скорби наша, от болезней, гладов, потопления, запаления и междоусобныя брани происходящыя. Но, Пр&милостивый и Человеколюбивый Господи, вразуми, настави и помилуй нас, недостойных. Исправи жизнь нашу греховную, утоли раздоры и нестроения, собери расточенныя, соедини разсеянныя, подаждь мир стране нашей и благоденствие, избави ю от тяжких бед и несчастий. Всесвятый Владыко, просвети разум наш светом учения Евангельскаго, возгрей сердца наша теплотою благодати Твоея и направи я к деланию заповедей Твоих, да прославится в нас всесвятое и преславное имя Твое, Отца и Сына и Свягаго Духа, ныне и во веки веков. Аминь.

Молитва за русский народ

Всемогущий Боже, Ты — Кто сотворил небо и землю со всяким дыханием, — умилосердись над бедным Русским народом и дай ему познать, на что Ты его сотворил!
Спаситель мира, Иисусе Христе, Ты отверз очи слепорожденному — открой глаза и нашему Русскому народу, дабы он познал Волю Твою святую, отрекся от всего дурного и стал народом богобоязненным, разумным, трезвым, трудолюбивым и честным!
Душе Святый, Утешителю, Ты — что в пятидесятый день сошел на Апостолов — прииди и вселися в нас! Согрей святою ревностью сердца духовных пастырей наших и всего народа, дабы свет Божественного учения разлился по Земле Русской, а с ним низошли на нее все блага земные и небесные! Аминь.
Молитва о спасении России
Господи Иисусе Христе, Боже наш! Прими от нас, недостойных раб Твоих, усердное моление сие и, простив нам вся согрешения наша, помяни всех врагов наших, ненавидящих и обидящих нас, и не воздаждь им по делам их, но по велицей Твоей милости обрати их неверных ко правоверию и благочестию, верных же во еже уклоншися от зла и творит благое. Нас же всех и Церковь Твою Святую всесильною Твоею крепостию от всякаго злаго обстояния милостивне избави. Отечество наше от любых безбожник и власти их свободи, верных же раб Твоих, в скорби и печали день и ночь вопиющих к Тебе, многоболезненный вопль услыши, многомилостиве Боже наш, и изведи из истления живот их. Подаждь же мир и тишину, любовь и утверждение и скорое примирение людям Твоим, их же Честною Твоею Кровию искупил еси. Но и отступившим от Тебе и Тебе не ищущим явлен буди, воеже ни единому от них погибнути, но всем им спастися и в разум истины прийти, да вей в согласном единомыслии и в непрестанной любви прославят пречестное имя Твое, терпеливодушне, незлобиве Господи, во веки веков. Аминь.

Молитва о спасении державы Российской и утолении в ней раздоров и нестроений Святителя Тихона, Патриарха Московского и всея Руси

Господи Боже, Спасителю наш! К Тебе припадаем сокрушенным сердцем и исповедуем грехи и беззакония наша, ими же раздражихом Твое благоутробие и затворихом щедроты Твоя. Отступихом бо от Тебе, Владыко, и заповедей Твоих не соблюдохом, ниже сотворихом, яко же заповедал еси нам. Сего ради нестроением поразил еси нас, и дал еси нас на попрание врагом нашим, и ума лихомся паче всех язык, и быхом в притчу и поношение соседом нашим. Боже великий и дивный, каяйся о злобах человеческих, возводяй низверженныя и утверждайя низпадающия! Небесную Твою силу с небесе низпосли, уврачуй язвы душ наших и воздвигни нас от одра болезни, яко наполнишася разслабления чресла наша, яко болим неправдою и рождаем беззаконие. Утоли шатания и раздоры в земли нашей, отжени от нас зависти и рвения, убийства и пианства, разжения и соблазны, попали в сердцах наших всяку нечистоту, вражду и злобу, да паки возлюбим друг друга и едино пребудем в Тебе, Господе и Владыце нашем, якоже повелел еси и за поведал еси нам. Помилуй нас, Господи, помилуй нас, яко исполнихомся уничижения и несмы достойни возвести очеса наша на небо. Помяни милости, яже показал еси отцем нашим, преложи гнев Твой на милосердие и даждъ нам помощь от скорби. Молит Тя Твоя Церковь, представляющи Тебе ходатайство другое Твоих: преподобных и богоносных отцев наших Сергия Радонежскаго и Серафима Саровскаго, Петра, Алексия, Ионы, Иова, Филиппа, святителей Московских, священномученика Ермогена, страстотерпца Царя Николая, страстотерпицы Царицы Александры, Царевича Алексия, великих княжен Ольги, Татианы, Марии, Анастасии, и верных слуг их, наипаче святителя Тихона, Патриарха Московскаго, исповедника, преподобномученицы великой княгини Елисаветы…и всех святых в земли нашей просиявших, изряднее же Пресвятыя Богородицы и Приснодевы Марии, от лет древних покрывавшия и заступавшия страну нашу. Вразуми всех, иже во власти суть, и возглаголи в них благая о Церкви Твоей и о всех людех Твоих. Силою Креста Твоего укрепи воинство наше и избави их от всякаго навета вражия. Воздвигни нам мужей силы и разума, и даждь всем нам Духа премудрости и страха Бо жия, Духа крепости и благочестия.
Господи, к Тебе прибегаем, научи нас творити волю Твою, яко Ты еси Бог наш, яко у Тебе источник живота, во свете Твоем узрим свет. Пробави милость Твою ведущим Тя во веки веков. Аминь.

Источник

Подворье Патриарха Московского и всея Руси храма Покрова Пресвятой Богородицы в селе Покровском

Московская епархия (г.Москва), Никольское благочиние

Новости

Объявления

Просьба о помощи
01 Июнь 2018
Дружественные сайты
22 Ноябрь 2015

Молитвы о спасении России

Молитва по соглашению

Спаси нас, Боже Праведный, всех вместе, отврати Лице Твое от грех наших общих и личных, верни нам обратно наше достояние – Россию и помоги возродить ее, обрати врагов наших вспять. Аминь.

Молитву эту читают ежедневно в 14 часов по московскому времени.

Творить эту молитву 3 раза подряд, остальное – своими словами. Вслух или «про себя». На коленях или стоя. В церкви или вне её. На улице или дома. В пути или на работе, смотря по обстановке у каждого. Главное – от всего сердца, с воплем души.

Молитва о спасении державы Российской и утолении в ней раздоров и нестроений

(Молитва свт. Тихона, Патриарха Московского и Всея Руси)

Небесную Твою силу с небесе низпосли, уврачуй язвы душ наших и воздвигни нас от одра болезни, яко наполнишася разслабления чресла наша, яко болим неправдою и рождаем беззаконие. Утоли шатания и раздоры в земли нашей, отжени от нас зависти и рвения, убийства и пианства, разжения и соблазны, попали в сердцах наших всяку нечистоту, вражду и злобу, да паки возлюбим друг друга и едино пребудем в Тебе, Господе и Владыце нашем, якоже повелел еси и заповедал еси нам. Помилуй нас, Господи, помилуй нас, яко исполнихомся уничижения и несмы достойни возвести очеса наша на небо. Помяни милости, яже показал еси отцем нашим, преложи гнев Твой на милосердие и даждь нам помощь от скорби. Молит Тя Твоя Церковь, представляющи Тебе ходатайство другов Твоих: преподобных и богоносных отцев наших Сергия Радонежского и Серафима Саровского, Петра, Алексия, Ионы, Иова, Филиппа — святителей Московских, священномученика Ермогена, страстотерпца Царя Николая, страстотерпицы Царицы Александры, Царевича Алексия, Великих Княжен Ольги, Татианы, Марии, Анастасии и верных слуг их, наипаче Святителя Тихона, Патриарха Московского исповедника, преподобномученицы Великой Княгини Елисаветы… и всех святых, в земли нашей просиявших, изряднее же Пресвятыя Богородицы и Приснодевы Марии, от лет древних покрывавшия и заступавшия страну нашу.

Вразуми всех, иже во власти суть, и возглаголи в них благая о Церкви Твоей и о всех людех Твоих. Силою Креста Твоего укрепи воинство наше и избави их от всякого навета вражия. Воздвигни нам мужей силы и разума и даждь всем нам Духа премудрости и страха Божия, Духа крепости и благочестия.

Господи, к Тебе прибегаем, научи нас творити волю Твою, яко Ты еси Бог наш, яко у Тебе источник живота, во свете Твоем узрим свет. Пробави милость Твою ведущим Тя во веки веков. Аминь.

Молитва покаянная, юже чтоша в церквах в России во дни смуты.

Господи, Боже, Вседержителю, призри на нас грешных и недостойных чад Твоих, согрешивших пред Тобою, прогневавших благость Твою, навлекших гнев Твой праведный на ны, падших во глубину греховную. Ты зриши, Господи, немощь нашу и скорбь душевную, веси растление умов и сердец наших, оскудение веры, отступление от заповедей Твоих, умножение нестроений семейных, разъединения и раздоры церковныя, Ты зриши печали и скорби наша от болезней, гладов, потопления, запаления и междоусобныя брани происходящия. Но, премилостивый и человеколюбивый Господи, вразуми, настави и помилуй нас, недостойных, исправи жизнь нашу греховную, утоли раздоры и нестроения, собери расточенныя, соедини разсеянныя, подаждь мир стране нашей и благоденствие, избави ю от всяких бед и несчастий. Всесвятый Владыко, просвети разум наш светом учения евангельскаго, возгрей сердца наша теплотою благодати Твоея и направи я к деланию заповедей Твоих, да прославится в нас Всесвятое и Преславное Имя Твое, Отца и Сына и Святаго Духа, ныне и во веки веков. Аминь.

Молитва святителю Иоанну Шанхайскому

О, святителю отче наш Иоанне, Пастырю добрый и тайновидец душ человеческих! Ныне у Престола Божия за нас молишися, яко же и сам посмертне изрек: «Хотя я и умер — но я жив». Умоли Всещедраго Бога прощение нам во гресех даровати, да смело воспрянем духом и уныние сего мира отрясем и Богу возопиим о даровании нам смирения и богодохновения, богосознания и духа благочестия на всяких путех жизни нашея.

Яко милостивый сиропитатель и опытный путеводитель на земле бывший ныне буди нам вождем Моисеовым и в смутах церковных всеобъемлющее Христово вразумление. Услыши стенание смущенных юношей нашего лихолетия, обуреваемых беснованием вселукавым и отряхни лень уныния пастырей, изнемогающих от натисков духа мира сего и томящихся в оцепенении праздном.

Да слезно вопием ти, о теплый молитвенниче, посети нас сирых, во тьме страстей утопающих, ждущих твоего отеческаго наставления, да озаримся светом невечерним, идеже ты пребываеши и молишися за чад твоих, по лицу вселенныя рассеянных, но любовию слабою к свету все же тянущихся, идеже свет Христос Господь наш пребывает, Ему же честь и держава ныне и присно и во веки веков. Аминь.

Молитва о победе русского воинства

Господи, Боже сил, Боже спасения нашего! Боже, творяй чудеса Един! Призри в милости и щедротах на смиренные рабы Твоя и человеколюбно услыши и помилуй нас. Се бо врази наша собрашася на ны воеже погубити ны и разорити святыни наша.

Ты же, вся ведый, веси, яко неправедно воссташа на ны. Темже грешнии и недостойнии в покаянии и со слезами молим Тя: помози нам, Боже, Спасителю наш, и избави нас Имени ради Твоего, да никогда рекут врази наша: «Бог оставил их, и несть избавляяй и спасаяй их».

Ей, Господи Боже, Спасителю наш, крепосте и упование, и заступление наше. Не помяни беззаконий и неправд людей Твоих и не отвратися от нас гневом Своим, но в милости и щедротах Твоих посети смиренные рабы Твоя, ко Твоему благоутробию припадающыя: восстани в помощь нашу и подаждь воинству русскому о Имени Твоем победити! А им же судил еси положити на брани души своя, тем прости согрешения их, и в день праведнаго воздаяния Твоего воздай венцы нетления.

Ты бо еси заступление и победа, и спасение уповающим на Тя и Тебе славу возсылаем Отцу и Сыну, и Святому Духу и ныне и присно, и во веки веков. Аминь!

Молитва о благосостоянии России о. Иоанна Кронштадтского

Отче наш, Иже еси на набесех! Да святится Имя Твое в России! Да приидет царствие Твое в России! Да будет воля Твоя в России! Ты насади в ней веру истинную и животворную! Ей, Господи, возстани на помощь нашу, в настоящия бо дни безверия едина есть отрада у истинного христианина и сына Церкве — неизменный, бодрый, всеблагий, премудрый и всесильный Промысел Божий о людях, наипаче о Земной Церкви Христовой, о вечном спасении людей и о вечном, непоколебимом, премирном Отечестве — Небе!

Святое воинство Небесной Церкве! Ополчися за Церковь Божию, на земле сущую: бедствует она, возлюбленная Невеста, нападения лютые терпит от врагов Истины.

Господи, умиротвори Россию ради Церкве Твоея, ради нищих людей Твоих, прекрати мятежи и нестроения, даруй властем мудрость и мужество, посли им многия советники благочестивыя, мудрыя и мужественныя, юношество направи на истинный путь, воинство сотвори верным и мужественным, священство соделай ревностным к долгу своему, искорени пиянство, прелюбодейство, воровство, грабительство, убийство, непотребства; молодью — старшим, подчиненныя — начальником, люди Российския — законом правым, вся повсюду служащия покори началу всех начал — Истине и сотвори довольны оброки своими.

Да будет слава в вышних Богу и на земли и в России мир, к человеком благоволение. Аминь!

Молитва Богородице об Отечестве

Сохрани, Пресвятая Богородице, Пречистая Дево Марие, людей твоих под кровом Твоим и светлыми, чистыми Твоими молитвами моли Бога о спасении страны нашей Российской!

Молитва Господу о стране нашей и народе ея

Господи! Спаси и сохрани Богохранимую страну нашу Российскую и весь род людской и все воинство ея и всех и вся! Не остави нас, грешных Божьих людей, во все дни живота нашего! Прости прегрешения вольныя и невольныя и не остави нас в страшный и темный час искушения и нападения диавольского!
Убереги страну нашу Российскую, Богохранимую и Богом покровительствуемую от злая и темныя силы и обстояния и подаждь нам всем, грешным Божьим людям русским, во милосердие Твое прощение всех грехов, исповедуемых нами в покаяния и с любовью в сердце к Тебе, Господи, Творцу мироздания и всего сущего на Земле везде и повсюду! Да убоятся Господа в страхе Твоем и бежат злаго и темнаго обстояния и окамененного нечувствия люди Твоя!
Сбереги, Господи, страну нашу Российскую, вся люди ея, вся воинство ея, всех юных и старцев, и младенцев под кровом Твоим!

Господи, храни Русь нашу Святую и Православную, сохрани и сбереги ю на многая лета и подаждь милость Твою сохранити ю в чистоте помышления и даруй ей спасение во имя Отца и Сына и Святаго Духа и ныне и присно, и во веки веков. Аминь!

Источник